أهلًا بك 👋.. إدارة تناما للتقنية و التسويق

اذا ما قد عرفتنا من قبل، يا هلا وسهلا معك تناما للتقنية والتسويق. بدايتنا كانت من عام 2020، ومن وقتها بدأنا نتعمّق بشكل جاد في عالم التجارة الإلكترونية والتسويق الرقمي، وخاصة إدارة الحملات الإعلانية في Google. كنا نتابع ونجرّب ونتعلم، وكل حملة كنا نطلقها كانت تضيف لنا شي جديد... مو بس على مستوى النتائج، حتى على مستوى الفهم والتحليل والتفكير. كنا نعرف إن التسويق ما هو مجرد إعلان وانتهينا، هو شغل متكامل من أول فكرة الإعلان، إلى المحتوى، إلى تصميم الصفحة، إلى تحليل الأرقام وربط كل الأدوات التقنية بالطريقة الصح. خلال هالسنين، بنينا خبرة حقيقية ميدانية، وجربنا استراتيجيات كثيرة، بعضهم كانت مجرد كلام على الورق، وبعضهم فعلاً صنعت نتائج تخلينا نعرف وش اللي يشتغل... وش اللي ما ينفع. مو كل أحد يشتغل تسويق يفهم الربط الإلكتروني، ولا كل أحد يعرف وش يعني تربط بياناتك مع Google Tag Manager أو Google Analytics وتستفيد منها صح. وهنا يجي دورنا في تناما. مو بس ندير لك حملة... إحنا نديرها بطريقة ذكية ومدروسة، ونربطها بنظامك من الألف للياء، ونمشي معك خطوة بخطوة. ما نقول إن عندنا سر خطير، بس نؤمن إن الشطارة مو في الأدوات، الشطارة في اللي يعرف يستخدمها صح، ويتابع ويختبر ويحلل، ويعرف كيف يحوّل أي حملة إلى مكسب فعلي لك. واللي يميزنا؟ إننا نشتغل بشغف، نفهم مشروعك قبل نطلقه، نحرص إنك تكسب فعلاً، ونبني لك أساس تسويقي يوقف على رجوله. أثناء رحلة العمل في التسويق، تحديدًا إدارة الحملات الإعلانيّة؛ جربت عشرات التكتيكات والاستراتيجيّات التي من شأنها الحفاظ على تكلفة معقولة لعملائنا.